Երևանում հրդեհի հետևանքով հյուրանոցի շենքից տարհանվել է 30 քաղաքացի. մեկ անձ տեղափոխվել է հիվանդանոց

Երևանի հյուրանոցներից մեկի նկուղային հարկում բռնկված հրդեհը մեկուսացվել է ժամը 12։36-ին, մարվել՝ 12։53-ին։ Նկուղային հարկում այրվել է մոտ 4 խմ պահեստավորած գորգ։

ՆԳՆ Փրկարար ծառայությունից NEWS.am–ին տեղեկացրել են, որ մեկ քաղաքացի տեղափոխվել է բժշկական կենտրոն։ Հյուրանոցի շենքից տարհանվել է 30 քաղաքացի․ հրշեջ-փրկարարներին հաջողվել է կանխել հրդեհի տարածումը դեպի հյուրանոցի պահեստ և խոհանոց։

Հիշեցնենք, որ հոկտեմբերի 6-ին՝ ժամը 12։07-ին, Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Արմենակյան փողոցում գտնվող հյուրանոցներից մեկի նկուղում։