Թրամփը հայտնել է՝ ինչ կլինի ՀԱՄԱՍ-ի հետ, եթե հրաժարվի իր առաջարկից
CNN-ին տված հարցազրույցում ԱՄՆ նախագահ Դոնալդ Թրամփը բացատրել է, թե ինչ կպատահի պաղեստինյան արմատական ՀԱՄԱՍ շարժմանը, եթե այն հրաժարվի հանձնել իշխանությունը Գազայի հատվածում։
Պետության ղեկավարը հայտարարել է, որ այդ դեպքում ՀԱՄԱՍ-ը կբախվի «լիակատար ոչնչացման»։ Նա ակնկալում է, որ շուտով պարզ կդառնա, թե արդյոք շարժումն իսկապես հավատարիմ է խաղաղությանը։ Թրամփը հույս է հայտնել, որ իր հրադադարի առաջարկը կդառնա իրականություն և ընդգծել է, որ ինքը բոլոր ջանքերն է գործադրում դրան հասնելու համար։
