Խաղաղության մասին թուղթ են ստորագրում, երբ համաձայնություն չկա. Խաչատրյան
Խաղաղության մասին թուղթ են ստորագրում, երբ հիմնական սկզբունքների շուրջ համաձայնություն չկա, լրագրողների հետ զրույցում ասել Է «Հայաստան» խմբակցության պատգամավոր Արթուր Խաչատրյանը։
Նա հիշեցրեԼ Է՝ 2018-20 թվականներին, երբ Փաշինյանը, հասարակությանը մոլորեցնելով, բանակցում էր արցախյան հարցի շուրջ, հայտարարում էր, որ դրանք բանակցություններ չեն, այլ հանդիպումներ են.«Հիմա ի՞նչ, ինքը ստորագրում է մի փաստաթուղթ, որ կան տարընթերցումներ, Ալիևը հասկանում է մի բան, ինքը հասկանում է մի ուրիշ բան, Թրամփը խոսում էր այլ բանի մասին, ինչի՞ վազեցին ու այդպես հապշտապ թուղթ ստորագրեցին և ի լուր աշխարհի ասում են, թե մեզ մոտ խաղաղություն է։
Դա խաղաղություն չի, քանի դեռ ադրբեջանցիները ՀՀ-ի տարածքի մի հատված օկուպացրել են։ Եվ հետո, ի՞նչ խաղաղություն, երբ Ադրբեջանը Հայաստանի նկատմամբ անընդհատ պահանջներ է ներկայացնում, սպառնալիքներ է ուղղում և վիրավորում է»։
