Թուրքիայից արձագանքել են՝ Ադրբեջանի «կարմիր գծերը չանցնելու» հայտարարությանը

Բաքվում Թուրքիայի դեսպանատունը իր դիրքորոշումն է հայտնել վերջին շրջանում Թուրքիայում Ադրբեջանի վերաբերյալ տարածված «կեղծ լուրերի» հարցի վերաբերյալ։

APA-ի փոխանցմամբ՝ Թուրքիայի դեսպանատան մամուլի խորհրդական Ալպտեքին Ջիհանգիրը ասել է, որ իրենք աշխատում են Թուրքիա-Ադրբեջան մեդիա հարթակի զարգացման և գործընթացներում դրա ավելի մեծ ներկայության ապահովման ուղղությամբ։

«Մենք կպայքարենք թուրք-ադրբեջանական հարաբերությունները խաթարելու փորձեր կատարող ներքին և արտաքին ուժերի դեմ։ Պետք է փոխադարձ բանակցություններ վարվեն, և այդ ուժերի դեմ պետք է պայքարել։ Մենք պետք է ավելի միասնական լինենք։ Մենք բաց չենք թողնի, որպեսզի ոչ ոք չմիջամտի։ Կան մարդիկ, ովքեր ջուր են լցնում ադրբեջանա-թուրքական հարաբերությունները խաթարելու փորձեր կատարող ներքին և արտաքին ուժերի ջրաղացին։ Բայց մենք պետք է ավելի սերտորեն միավորվենք դրա դեմ», - նշել է նա։

Հիշեցնենք՝ Ադրբեջանից հորդորել էին Թուրքիային չանցնել կարմիր գծերը։