Պետք է խստացնել ցեղասպանությունը հերքելու պատասխանատվությունը․ Մինասյան

Ազգային Ժողովի «Հայաստան» խմբակցությունն առաջարկում է փոփոխություններ կատարել ՀՀ քրեական օրենսգրքում՝ խստացնել ցեղասպանություններն ու մարդկության դեմ ուղղված հանցագործությունները հրապարակային հերքելու, արդարացնելու համար նախատեսված պատիժը։

Նախագիծն ԱԺ-ում ներկայացրել է խմբակցության քարտուղար Արծվիկ Մինասյանը.

«Մեզ համար հիմք էր նաև վիճակագրական տեղեկատվությունը, որ այս հոդվածով որևէ անգամ երբևէ քրեական վարույթ չի նախաձեռնվել, թեև բազմաթիվ են եղել դեպքերը, երբ հայոց ցեղասպանության հերքման, արդարացման, մեղմման ուղղությամբ հրապարակային հայտարարություններ են հնչել»,- ասել է նա։