Հնդկաստանում տեղի ունեցած հանրահավաքի ժամանակ զnhվել է 39 մարդ

Հնդկաստանի հարավում գտնվող Կարուր քաղաքում տեղի ունեցած հանրահավաքի ժամանակ հրմշտոցի հետևանքով զոհվել է 39 մարդ, վիրավորվել՝ մոտ 100-ը, հաղորդում է ՏԱՍՍ-ը՝ հղում անելով NDTV-ին։

Հրմշտոցը տեղի է ունեցել հայտնի դերասան և քաղաքական գործիչ Վիջայի նախընտրական հանրահավաքի ժամանակ։ Վիջայի կուսակցության՝ TVK-ի երկու առաջնորդի մեղադրանք է առաջադրվել։

Թամիլ Նադու նահանգի կառավարությունը հայտնել է հանրահավաքի կանոնակարգի խախտման մասին։ Նախնական հաղորդագրությունների համաձայն՝ կազմակերպիչները չեն կարողացել ջուր և սնունդ տրամադրել հազարավոր մասնակիցներին։ Մարդիկ Վիջային սպասել են ավելի քան յոթ ժամ։ Արդյունքում, ոմանք սկսել են կորցնել գիտակցությունը և ընկնել, ինչը հանգեցրել է հրմշտոցի։ Վիջայի ելույթի ժամանակ լույսերը հանկարծակի անջատվել են, ինչը խուճապ է առաջացրել ամբոխի մեջ։

Շտապօգնության մեքենաները չեն կարողացել հասնել դեպքի վայր։ Հրմշտոցից հետո Վիջայը չեղարկել է հանրահավաքը։ Նրա կուսակցությունը պնդում է, որ միջոցառման ընթացքում պահպանվել են բոլոր անհրաժեշտ կանոնները և ոստիկանության հրահանգները։