Չեմ թողնի «Իսրայելի սրտում» պետություն ստեղծել․ Բենիամին Նեթանյահու
Իսրայելի վարչապետ Բենիամին Նեթանյահուն հայտարարել է, որ թույլ չի տա պաղեստինյան պետության ստեղծումը: Նա այս հայտարարությունն արել է ԱՄՆ մեկնելուց առաջ, որտեղ Նյու Յորքում ելույթ կունենա ՄԱԿ-ի Գլխավոր ասամբլեայի 80-րդ նստաշրջանում և Վաշինգտոնում կհանդիպի ԱՄՆ նախագահ Դոնալդ Թրամփի հետ:
«Ես գնում եմ ՄԱԿ-ի Գլխավոր ասամբլեա և Վաշինգտոն։ ՄԱԿ-ում ես կասեմ մեր ճշմարտությունը՝ Իսրայելի քաղաքացիների ճշմարտությունը, Իսրայելի զինվորների ճշմարտությունը, մեր պետության ճշմարտությունը։ Ես կդատապարտեմ այն առաջնորդներին, ովքեր մարդասպաններին, բռնաբարողներին և երեխաներին այրողներին դատապարտելու փոխարեն ցանկանում են իրենց համար պետություն ստեղծել Իսրայելի սրտում։ Սա տեղի չի ունենա։
Վաշինգտոնում ես չորրորդ անգամ կհանդիպեմ նախագահ Թրամփի հետ և նրա հետ կքննարկեմ մեր հաղթանակների շնորհիվ բացված հսկայական հնարավորությունները, ինչպես նաև պատերազմի նպատակներին հասնելու անհրաժեշտությունը՝ մեր բոլոր պատանդներին Գազայի հատվածից վերադարձնելու և Համասին հաղթելու միջոցով», - հավելել է Իսրայելի վարչապետը։
Ավելի վաղ, Նյու Յորքում գտնվող ՄԱԿ-ի կենտրոնակայանում կայացած համաժողովում Անդորրան, Բելգիան, Լյուքսեմբուրգը, Մալթան, Սան Մարինոն և Ֆրանսիան հայտարարեցին Պաղեստին պետությունը ճանաչելու մասին: Ավելին, սեպտեմբերի 21-ին Ավստրալիան, Միացյալ Թագավորությունը, Կանադան և Պորտուգալիան նույնպես ճանաչեցին Պաղեստինը: Նրանց հայտարարությունների համաձայն, «երկու պետություն երկու ժողովուրդների համար» սկզբունքին հավատարմությունը խաղաղության և անվտանգության բանալին է ինչպես պաղեստինցի, այնպես էլ իսրայելցի ժողովուրդների համար:
Նմանատիպ հոդվածներ
Միրզոյանը Ռումինիայի ԱԳ նախարարին հրավիրել է Երևան
Մենք առաջիկա 50 տարվա համար պետք է լինենք ռազմականացված երկիր. Կարեն Հովհաննիսյան
Թրամփը կարծում էր, որ Ուկրաինան պետք է լինի Ռուսաստանի մաս. Guardian
ՏԵՍԱՆՅՈՒԹ. Ալեն Սիմոնյանը ճիշտ էր, Լավրովը ճիշտ չէր. ԱԺ նախագահի հայտարարությունը
Ավելին Քաղաքականություն բաժնից
Լուրերը մեկ տողով. Փաշինյանի ներողությունը, փախուստ ՔԿՀ-ից, պատերազմական զարգացումներ
48 ժամ՝ Իրանն արձագանքել է Թրամփի պահանջին․ կոչնչացվեն խոշորագույն ընկերությունները
Լուրերը մեկ տողով. Փաշինյան–արցախցի վեճ, հասարակական արձագանք և Մերձավոր Արևելքի լարվածություն՝ մեկ օրում
