Հայաստանի վարչապետը քաղաքական կշռով համաչափ մրցակիցներ չունի. Պապոյան

Հայաստանի քաղաքական ասպարեզում Նիկոլ Փաշինյանը համեմատելի քաղաքական մրցակիցներ չունի։ Այս մասին  լրագրողների հետ զրույցում հայտարարել է ՀՀ էկոնոմիկայի նախարար Գևորգ Պապոյանը՝ պատասխանելով այն հարցին, թե արդյոք վարչապետը Պապոյանին քաղաքական մրցակից է համարում իշխող «Քաղաքացիական պայմանագիր» խմբակցության վարչության ընտրություններից հետո։

Նա վստահեցրել է, որ Հակոբ Արշակյանը իշխող թիմի ներսում որևէ խնդիր չունի։ «Նա թիմի առանցքային անդամ է, նա մեր ընկերն է։ Կանոնները հավասար են բոլորի համար, այդ թվում՝ իմ, Նիկոլ Փաշինյանի, Հակոբ Արշակյանի և մյուս կուսակցականների համար», - նշել է նա։

Նշենք, որ ընտրությունների արդյունքներով էկոնոմիկայի նախարարը զբաղեցրել է երկրորդ տեղը՝ առաջատարի դիրքը զիջելով Փաշինյանին։

Պապոյանը անդրադարձել է նաև սահմանների բացմանը. «Սահմանների բացումը  բազմաթիվ հնարավորություններ կստեղծի Հայաստանի համար»,- լրագրողների հետ զրույցում հայտարարել է ՀՀ էկոնոմիկայի նախարար Գևորգ Պապոյանը։

«Սա ենթադրում է, որ մենք ներմուծում ենք այն ապրանքները, որոնք նրանք են արտահանում, իսկ նրանք ներմուծում են այն ապրանքները, որոնք արտահանում է Հայաստանը», - նշել է նախարարը։

Պապոյանը հայտարարել է երկրորդ հոդվածի հրապարակման մասին՝ նվիրված Հայաստանի և Թուրքիայի միջև սահմանի բացման կոնկրետ ազդեցությանը։