Դատարանը Միքայել սրբազանին մեղավոր ճանաչեց
Երևանի Ավան և Նոր Նորք վարչական շրջանների ընդհանուր իրավասության դատարանում քաղբանտարկյալ Միքայել արքեպիսկոպոս Աջապահյանի վերաբերյալ դատական վերջին նիստն էր։ Արմինե Մելիքսեթյանը հրապարակել է վճիռը։
Նշենք, որ Սրբազանին մեղադրանք է առաջադրվել ընդդիմադիր ելույթների համար։
Դատարանը Միքայել արքեպիսկոպոս Աջապահյանին մեղավոր ճանաչեց ՀՀ քրեական օրենսգրքի 422-րդ հոդվածի 2-րդ մասով առաջադրված մեղադրանքում։
Դատավորը հայտնեց, որ խափանման միջոցը կմնա անփոփոխ։
«Բանի տեղ մի դրեք լավ է լինելու, ձայնս չի երերում»,- դատարանի դահլիճից հեռանալուց ասել է Միքայել Աջապահյանը:
