Մելոնին դատապարտել է իր մասնակցությամբ ԱԲ-ով ստեղծված սկանդալային տեսանյութը .RaiNews

RaiNews-ի փոխանցմամբ՝ Իտալիայի վարչապետ Ջորջա Մելոնին հրապարակայնորեն հրաժարվել է իրեն վերագրվող արհեստական բանականությամբ ստեղծված տեսանյութից, որում օգտագործվել է նաև իր կերպարը։

Տեսանյութում, որը հրապարակել էր «Futuro Nazionale» շարժման առաջնորդ Ռոբերտո Վաննաչին, գործողությունները ծավալվում են Հին Հռոմում․ Կոլիզեումում քաղաքական ընդդիմախոսներին դատապարտում են մահվան։

Մելոնին հայտարարել է, որ տեսանյութում ընդգրկվել է առանց իր իմացության և որևէ երկմտանքի դատապարտում է դրա բովանդակությունը։

«Այդ տեսանյութը չի արտահայտում ո՛չ իմ բնավորությունը, ո՛չ էլ քաղաքական պայքարի վերաբերյալ իմ պատկերացումները։ Քաղաքականությունը պետք է հիմնված լինի գաղափարների, հանրային վստահության և քաղաքացիների քվեի վրա, ոչ թե ատելության, սպառնալիքների կամ քաղաքական հակառակորդի նկատմամբ բռնության պատկերների», — նշել է Իտալիայի վարչապետը։

Միաժամանակ նա կոչ է արել ընդդիմությանը նույնպիսի սկզբունքայնությամբ դատապարտել նաև քաղաքական բռնության կոչերը, երբ դրանք հնչում են ձախ ուժերի ներկայացուցիչների կողմից։