Կրկին բարձունքում. UWW-ն՝ Մալխաս Ամոյանի հաղթական մենամարտի մասին
United World Wrestling-ն աշխարհի արդեն կրկնակի չեմպիոն Մալխաս Ամոյանի հաղթական մենամարտի տեսանյութն է հրապարակել։
«Կրկին բարձունքում։ Մալխաս Ամոյանը հաղթեց օլիմպիական չեմպիոն Նաո Կուսակուին և նվաճեց աշխարհի չեմպիոնի տիտղոսը մինչև 77 կգ քաշային կարգում»,-նշել են UWW-ից:
Հիշեցնենք՝ Խորվաթիայի մայրաքաղաք Զագրեբում ընթացող ըմբշամարտի աշխարհի առաջնությունում Հայաստանի հավաքականի անդամ, Օլիմպիական խաղերի բրոնզե մեդալակիր Մալխաս Ամոյանը դարձել է կրկնակի չեմպիոն:
77 կգ քաշային կարգի կիսաեզրափակիչում Մալխաս Ամոյանը մրցել էր Իրանի ներկայացուցիչ Ալիռեզա Աբդևալիի հետ՝ հաղթելով 5:1 հաշվով:
