Թրամփը դժգոհ է Համասի դեմ Իսրայելի գործողություններից

ԱՄՆ նախագահ Դոնալդ Թրամփը դժգոհ է Իսրայելի վարչապետ Բենիամին Նեթանյահուի գործողություններից, որը հրադադարի շուրջ բանակցությունների փոխարեն առաջնահերթություն է տալիս պաղեստինյան ՀԱՄԱՍ շարժման դեմ ռազմական գործողություններին: Այս մասին հաղորդում է The Wall Street Journal (WSJ)-ը՝ հղում անելով աղբյուրներին:

Ըստ հրատարակության` Թրամփի նյարդայնացել է Իսրայելի կողմից Կատարին հարվածելուց հետո։ Իր խորհրդականների հետ զրույցում ամերիկացի առաջնորդը կարծիք է հայտնել, որ Նեթանյահուն ծաղրում է իրեն։

Թերթը նշում է` չնայած իր դժգոհությանը Թրամփը խուսափում է Իսրայելի դեմ կոշտ միջոցներ ձեռնարկելուց։ Հրատարակությունը դա բացատրում է Թրամփի և Նեթանյահուի միջև լավ անձնական հարաբերություններով։ 

Հիշեցնենք` Իսրայելը Դոհայում հարվածներ հասցրեց պաղեստինյան Համասի շարժման բարձրաստիճան անդամներին: Պաղեստինյան շարժումը հայտնեց վեց մարդու մահվան մասին, այդ թվում՝ կազմակերպության Գազայի հատվածում առաջնորդներից մեկի՝ Խալիլ ալ-Հեյիի որդու և Կատարի անվտանգության ուժերի անդամի: Համասի բարձրաստիճան անդամների մահվան մասին հաղորդագրությունները դեռևս չեն հաստատվել: