Թրամփի ինքնաթիռը խուսափել է ուղևորատար ինքնաթիռի հետ բախումից
ԱՄՆ նախագահ Թրամփի ինքնաթիռը չափազանց մոտեցել է ուղևորատար ինքնաթիռին։ Հաղորդում է Bloomberg-ը։
ԱՄՆ նախագահ Դոնալդ Թրամփի Մեծ Բրիտանիա թռչող ինքնաթիռը չափազանց մոտեցել է ուղևորատար ինքնաթիռին, և օդային երթևեկության կարգավարները կոչ են արել օդաչուներին «զգույշ լինել»։
Նշվում է, որ մոտենալը տեղի է ունեցել Լոնգ Այլենդի վրայով։
«Վստահ եմ՝ գիտեք, թե ով է սա։ Զգույշ եղեք, «Սփիրիթ 1300», շրջվեք աջ 20 աստիճանով։ «Սփիրիթ 1300», շրջվեք աջ 20 աստիճանով։ Հենց հիմա», - գործակալությունը մեջբերել է դիսպետչերի խոսքերը ուղևորատար ինքնաթիռին, որը Ֆորտ Լոդերդեյլից մեկնում էր Բոստոն։
