Մի քանի րոպեում կարող ենք ոչնչացնել. Թրամփի հայտարարությունը Իրանի մասին

Միացյալ Նահանգների նախագահ Դոնալդ Թրամփը հայտարարել է, որ իրենք շատ լավ են աշխատում Իրանի հետ, սակայն պարզապես չեն ստանում այն լուսաբանումը, որին արժանի են։

ԱՄՆ ղեկավարը նշել է. «Մենք կստանանք այն, ինչ ես անվանում եմ փոշի, հարստացված նյութ։ Ես դա անվանում եմ միջուկային փոշի։ Ես եկել եմ մեկ պատճառով, շատ լավ. Իրանը չպետք է ունենա միջուկային զենք։ Ես չեմ ձգտում ռեժիմի փոփոխության, չնայած սա ռեժիմի փոփոխություն է։ Առաջին ռեժիմը տապալվեց։ Երկրորդ ռեժիմը տապալվեց։ 

Եվ կարծում եմ, որ երրորդ տարբերակն ավելի ողջամիտ է, բայց մենք դա կիմանանք։ Ոչ ոք չի լսել հայտնի Հորմուզի նեղուցի մասին, բայց դա իսկական ոսկու հանք է։ Մենք կամ կկնքենք համաձայնագիր, կամ կավարտենք սա, լա՞վ։ Եվ սրան վերջ տալը դժվար չի լինի։ Ես նախընտրում եմ համաձայնագիր կնքել, քանի որ չեմ ուզում ազդել 91 միլիոն մարդու շահերի վրա։ 

Մենք կարող ենք մեկ ժամում ոչնչացնել նրանց կամուրջները։ Մենք կարող ենք անջատել նրանց էլեկտրաէներգիայի մատակարարումը, բոլոր այն մեծ գործարանները, որոնք նրանք կառուցել են՝ մեծ, գեղեցիկ, ժամանակակից գործարաններ, որոնք շատ գումար են արժենում։ Հիմա նրանք փող չունեն։ Մենք նրանց ոչ մի կոպեկ անգամ չենք տվել։ Ես կասեի, որ մենք կարող ենք մի քանի րոպեում քանդել նրանց էլեկտրակայաններն ու էլեկտրաէներգիա արտադրող գործարանները։ Բոլոր գործարանները կոչնչացվեն, և նրանք դա գիտեն»։