ՏԵՍԱՆՅՈՒԹ. «Սա պատերազմ չէ, սա ցեղասպանություն է». բազմահազարանոց ցույց Մադրիդում
Հազարավոր մարդիկ ցույց են անցկացրել Մադրիդում՝ ի նշան համերաշխության Պաղեստինի ժողովրդի հետ Մերձավոր Արևելքի հակամարտությունում։ Այս մասին դեպքի վայրից հայտնում է ՏԱՍՍ-ի թղթակիցը։
Ցուցարարները երթ են կազմակերպել Մադրիդի կենտրոնական փողոցներով։ Հավաքվածները վանկարկել են «Պաղեստին, ազատություն», «Սա պատերազմ չէ, սա ցեղասպանություն է», «Համերաշխություն Պաղեստինի հետ», «Կեցցե Պաղեստինի ժողովրդի պայքարը» և այլն։ Շատերն իրենց հետ պաղեստինյան դրոշներ էին բերել։ Հանրահավաքին աջակցել է իսպանական «Աշխատողների ընդհանուր միությունը», որը պահանջում է «անհապաղ դադարեցնել Իսրայելի ռմբակոծությունները և ռազմական գործողությունները Գազայի հատվածում խաղաղ բնակչության դեմ և վերջ տալ հումանիտար շրջափակմանը»:
«Վրեժխնդրությունը չպետք է շփոթել անվտանգության հետ, և ոչինչ չի կարող արդարացնել բռնությունը», - ասել է կազմակերպությունը: «Համասի դաժան հարձակումներից հետո պաղեստինցի քաղաքացիների զանգվածային պատժումը Իսրայելի կողմից միջազգային իրավունքի խախտում է»:
Ամբողջ օրվա ընթացքում նմանատիպ բողոքի ակցիաներ են նախատեսված Իսպանիայի այլ քաղաքներում։
