Մակրոնը պաշտոնական այցով ժամանել է Դամասկոս

Ֆրանսիայի նախագահ Էմանուել Մակրոնը պաշտոնական այց է կատարել Դամասկոս։

Սիրիական պետական հեռուստատեսության և Le Monde-ի հաղորդմամբ՝ նա դարձել է առաջին արևմտյան առաջնորդը, որը Սիրիա է այցելել 2024 թվականի դեկտեմբերին երկրում տեղի ունեցած իշխանափոխությունից հետո։

Ելիսեյան պալատը հայտնել է, որ այցը կշարունակվի մինչև հուլիսի 7-ը։ Այցի շրջանակում Մակրոնը կհայտարարի Ֆրանսիայի աջակցությունը «ազատ Սիրիային», որը, նրա խոսքով, կարող է նպաստել տարածաշրջանում լարվածության նվազեցմանը։ Նշվում է նաև, որ անվտանգության նկատառումներից ելնելով՝ Ֆրանսիան նախագահի այցի մասին չէր հայտնել մինչև նրա ժամանումը։

Ավելի վաղ Էմանուել Մակրոնը X սոցիալական ցանցում գրել էր, որ ժամանել է Սիրիա՝ «հաստատելու Ֆրանսիայի հանձնառությունը սիրիացի ժողովրդին»։

«Հանուն ինքնիշխան Սիրիայի, որը միավորված է իր բազմազանության մեջ և խաղաղ է ապրում իր հարևանների հետ։ Եկեք միասին բացենք կայունության և խաղաղության նոր էջ», — նշել է Ֆրանսիայի նախագահը։