Սևանա լճում ջրի մակարդակի նոր աճ է արձանագրվել

Հիդրոլոգիական դիտարկումների համաձայն՝ Սևանա լճի մակարդակը հունիսի 29-ից հուլիսի 5-ն ընկած ժամանակահատվածում արձանագրել է 2 սմ աճ։

2026 թվականի հունիսի 29-ից հուլիսի 5-ը Սևանա լճի մակարդակը բարձրացել է 2 սմ-ով՝ հուլիսի 5-ի դրությամբ կազմելով 1900.77 մ, ինչը նախորդ տարվա նույն օրվա ցուցանիշից ավելի է 9 սմ-ով, իսկ 2026 թվականի հունվարի 1-ի մակարդակի համեմատ՝ 55 սմ-ով։

Նույն ժամանակահատվածում Արփա-Սևան ջրատարի միջոցով Սևանա լիճ է տեղափոխվել 9.979 մլն մ³ ջուր, իսկ 2026 թվականի հունվարի 1-ից հուլիսի 5-ը ներառյալ տեղափոխված ջրի քանակը կազմել է 144.285 մլն մ³։

2026 թվականի հուլիսի 2-ից մեկնարկել է ոռոգման նպատակով ջրառի իրականացումը Սևանա լճից։ Ըստ Հրազդան ՀԷԿ-ի ուղղաթեք ջրանցքի Գեղամավան դիտակետի տվյալների՝ հուլիսի 2-ից հուլիսի 5-ը ներառյալ լճից բացթողնված ջրի գումարային ծավալը կազմել է 1.731 մլն մ³։