Ռուսաստանի հետ պատերազմում վճռորոշ դեր կունենան օդային հարձակումները. Զելենսկի

Ուկրաինայի նախագահ Վլադիմիր Զելենսկին հայտարարել է, որ Ռուսաստանի հետ պատերազմի ընթացքում վճռորոշ դեր կունենան օդային հարձակումները։

Նրա խոսքով՝ Ուկրաինան արդեն կանգնեցրել է ռուսական ուժերին մարտադաշտում և թշնամուն զրկել ծովային գերիշխանությունից։

«Այնուհետև հաջորդ մարտադաշտը դառնում է երկինքը։ Եվ, անկեղծ ասած, այս դիմակայության մեջ, թե ում տարածքն է ավելի մեծ, շատ ավելի քիչ նշանակություն ունի։ Մենք մտել ենք օդային տարածք։ Եվ օդում մենք արդեն մրցունակ ենք»,-նշել է նա։