Թրամփն ու ֆոն դեր Լեյենը քննարկել են Ռուսաստանի վրա ճնշման ուժեղացումը
Եվրոպական հանձնաժողովի ղեկավարը զրուցել է ԱՄՆ նախագահ Դոնալդ Թրամփի հետ, որից հետո հայտարարել է Ռուսաստանի վրա ճնշման ուժեղացման մասին։
«Ես արդյունավետ զրույց ունեցա նախագահ Թրամփի հետ՝ լրացուցիչ միջոցառումների միջոցով Ռուսաստանի վրա տնտեսական ճնշումը ուժեղացնելու մեր համատեղ ջանքերը ամրապնդելու վերաբերյալ», - ասել է Ուրսուլա ֆոն դեր Լեյենը։
Թրամփի հետ զրույցից հետո Ուրսուլա ֆոն դեր Լեյենը հայտարարել է, որ հանձնաժողովը շուտով կներկայացնի Ռուսաստանի դեմ 19-րդ պատժամիջոցների փաթեթը, որը կուղղվի կրիպտոարժույթներին, բանկերին և էներգետիկային։
«Ռուսաստանի պատերազմական տնտեսությունը, որը սնվում է բրածո վառելիքի եկամուտներից, ֆինանսավորում է Ուկրաինայում արյունահեղությունը։ Դրան վերջ դնելու համար հանձնաժողովը կառաջարկի արագացնել ռուսական բրածո վառելիքի ներմուծման փուլային դադարեցումը», - գրել է նա։
