Պուտինը նշել է` որտեղ կարող են անցկացվել Ուկրաինայի հետ բանակցությունները

Ռուսաստանի Դաշնության նախագահ Վլադիմիր Պուտինը հայտարարել է, որ հավանական բանակցությունների դեպքում Մինսկը կարող է հանդիսանալ ռուս-ուկրաինական հանդիպումների անցկացման հարթակ։

«Վեստի»-ին տված հարցազրույցում ՌԴ ղեկավարը համոզմունք է հայտնել, որ գործընթացը բանակցային փուլ հասնելու պարագայում հնարավոր է կիրառել բելառուսական կողմի հնարավորությունները։ Վլադիմիր Պուտինը նշել է, որ տեղյակ է Բելառուսի նախագահ Ալեքսանդր Լուկաշենկոյի դիրքորոշմանը, ով պատրաստակամ է բոլոր միջոցներով նպաստել խնդիրների խաղաղ կարգավորմանը։ Ռուսաստանի նախագահը նաև փաստել է, որ 2022 թվականի ռուս-ուկրաինական բանակցային գործընթացը մեկնարկել է հենց Մինսկում, ինչպես նաև այնտեղ են ստորագրվել 2014 թվականի Մինսկի համաձայնագրերը։