ՏԵՍԱՆՅՈՒԹ.«Ես որ Ձեզ սկսեմ հետապնդել, ամբողջ հանրությունը շատ կուրախանա» Հայկ Սարգսյանը` լրագրողին
Այսօր ԱԺ «Իմ քայլը» խմբակցության պատգամավոր Հայկ Սարգսյանը ԱԺ-ում լրագրողի այն հարցին, թե ինչու էր իրեն հրում, երբ ընթանում էր զինդատախազ Գագիկ Ջհանգիրյանի ճեպազրույցը, պատասխանեց, թե փորձում էր Ջհանգիրյանին պաշտպանել, քանի որ իրեն թվացել է, թե լրագրողը Ջհանգիրյանին գետնին գցել էր ուզում:
«Ստեղ պարոն Ջհանգիրյանին Դուք ուզում էիք գցել գետնին»,- ասաց նա և լրագրողի հակադարձմանը, թե Հայկ Սարգսյանը սադրում է, վերջինս արձագանքեց՝ նման արտահայտություն այլևս չկրկնել:
Հայկ Սարգսյանն առաջարկեց գտնել կադրերն ու համոզվել, որ լրագրողները Գագիկ Ջհանգիրյանին հետապնդում էին, որին լրագրողը պատասխանեց՝ որևէ լրագրող չի հետապնդել և կարող են հակառակի մասին խոսել:
«Ես որ Ձեզ սկսեմ հետապնդել, ամբողջ հանրությունը շատ կուրախանա: Ցավոք, դեռ չեմ սկսել հետապնդել»,- արձագանքեց Սարգսյանը:
