Թուրքիան պատրաստ է ընդունել ՌԴ–Ուկրաինա բանակցությունների նոր փուլը

Թուրքիան հայտարարել է, որ պատրաստ է կազմակերպել Ռուսաստանի և Ուկրաինայի միջև բանակցությունների նոր փուլը, եթե երկու կողմերից ստանա հստակ ազդակ բանակցությունները վերսկսելու պատրաստակամության մասին։

Այս մասին ՌԻԱ Նովոստիին հայտնել է թուրքական իշխանություններին մոտ կանգնած աղբյուրը։

Նրա խոսքով՝ Անկարան շարունակում է աջակցել հակամարտության դիվանագիտական կարգավորմանը և համոզված է, որ երկարատև խաղաղության հասնելու միակ ճանապարհը երկխոսությունն է։

«Եթե կողմերը հստակ ցանկություն ցուցաբերեն բանակցելու, ապա Թուրքիայում կազմակերպումը երկար ժամանակ չի պահանջի։ Մեր երկիրն ունի անհրաժեշտ փորձը և պատրաստ է կրկին հարթակ տրամադրել երկխոսության համար», — նշել է աղբյուրը։