ԱՄՆ-ն և Իրանը պայմանավորվել են հանդիպել Դոհայում՝ Հորմուզի նեղուցի շուրջ լարվածությունը քննարկելու համար

ԱՄՆ-ն և Իրանը պայմանավորվել են դադարեցնել փոխադարձ ռազմական գործողությունները և երեքշաբթի՝ հունիսի 30-ին, հանդիպել Կատարի մայրաքաղաք Դոհայում՝ Հորմուզի նեղուցի շուրջ ստեղծված իրավիճակը քննարկելու նպատակով։ Այս մասին հայտնում է Axios-ը՝ հղում անելով ամերիկացի բարձրաստիճան պաշտոնյային։

«Մենք որոշել ենք դադարեցնել բոլոր ռազմական գործողությունները», — ասել է աղբյուրը։

Նախապես նախատեսվում էր, որ այդ օրը Շվեյցարիայում կանցկացվեն Իրանի միջուկային ծրագրին նվիրված բանակցությունները, սակայն լարվածության սրման պատճառով հանդիպման վայրը փոխվել է։ Այժմ բանակցությունների հիմնական թեման լինելու է Հորմուզի նեղուցում անվտանգ նավարկության ապահովումը։

Axios-ի փոխանցմամբ՝ հանդիպմանը, ամենայն հավանականությամբ, կմասնակցի նաև ամերիկյան տեխնիկական խմբի ղեկավար Նիք Ստյուարտը։

Հիշեցնենք, որ ավելի վաղ ԱՄՆ-ն հարվածներ էր հասցրել Իրանի տարածքին։ Դրանից հետո ԱՄՆ նախագահ Դոնալդ Թրամփը հայտարարել էր, որ Իրանը խախտել է հրադադարի պայմանները՝ պնդելով, թե Թեհրանը չորս անօդաչու թռչող սարք է արձակել Հորմուզի նեղուցով անցնող նավթատարի ուղղությամբ։

Թրամփը նաև զգուշացրել էր, որ եթե ԱՄՆ-ը վերսկսի լայնածավալ ռազմական գործողությունները, «Իրանը կարող է դադարել գոյություն ունենալ»։