Իսրայելը գաղտնի կերպով մեծ քանակությամբ ամերիկյան զենք է գնել
ԱՄՆ կոնգրեսականները ցանկանում են հաստատել Իսրայելին անսահմանափակ և անվերահսկելի զենքի մատակարարումներ թույլատրող օրինագիծ: Այս մասին հաղորդում է ամերիկյան Responsible Statecraft պորտալը:
Հարցը վերաբերում է Պետդեպարտամենտի բյուջետային առաջարկին հաջորդ ֆինանսական տարվա համար, որը Միացյալ Նահանգներում սկսվում է հոկտեմբերի 1-ին: Փաստաթղթում կա մի դրույթ, որը թույլ է տալիս անսահմանափակ քանակությամբ ամերիկյան զենք մատակարարել Իսրայելում գտնվող հատուկ զինանոցին:
Պորտալի տվյալներով՝ հրեական պետությունը գաղտնի կերպով մեծ քանակությամբ ամերիկյան զենք է գնել՝ Գազայի հատվածը ռմբակոծելու համար՝ 2023 թվականի հոկտեմբերի 7-ին անկլավից Իսրայելի տարածք արմատական պաղեստինյան Համասի զինված կողմնակիցների ներխուժումից հետո, որի արդյունքում սպանվել են սահմանամերձ քաղաքների բնակիչներ և ավելի քան 250 պատանդներ են վերցվել։
