Ուկրաինան հարվածել է Կիրիշի նավթավերամշակման գործարանին
Ուկրաինական անօդաչու թռչող սարքերը գիշերը հարձակվել են Ռուսաստանի Դաշնության Լենինգրադի մարզում գտնվող Կիրիշի նավթավերամշակման գործարանի վրա։ Այս մասին իր Telegram ալիքում հայտնել է Ուկրաինայի զինված ուժերի անօդաչու համակարգերի ուժերի հրամանատարը։
Նա նշել է, որ Կիրիշի նավթավերամշակման գործարանը Ռուսաստանի առաջատար հինգ ձեռնարկություններից մեկն է։ Նրա տվյալներով՝ այնտեղ տարեկան վերամշակվում է մոտ 20 միլիոն տոննա նավթ։
Ուկրաինայի զինված ուժերի անօդաչու համակարգերի ուժերը հայտնել են, որ այս վերամշակման գործարանը նաև անմիջականորեն ներգրավված է ռուսական բանակին նավթամթերք մատակարարելու գործում։ Այս տեղեկատվությունը հաստատում է նաև Ուկրաինայի զինված ուժերի գլխավոր շտաբը։
