Պատերազմի շահառուն խորհրդարանական ընդդիմությունն է. Կոջորյան
ՀՀ-ում խաղաղության շահառուն Հայաստանի Հանրապետության ժողովուրդն է, իսկ պատերազմի շահառուն՝ խորհրդարանական ընդդիմությունը, որովհետև խորհրդարանական ընդդիմությունը գաղափարախոսության, արժեքային բովանդակության մեջ չի պատկերացնում կյանքը առանց կոնֆլիկտի: Այս մասին Ազգային ժողովի այսօրվա նիստի ժամանակ ասել է «Քաղաքացիական պայմանագիր» խմբակցության ղեկավար Հայկ Կոնջորյանը:
«Ու դա հենց Դաշնակցության մասին է, որովհետև այն հիմնադրվել է մի ժամանակ, երբ մենք չենք ունեցել պետություն: Այն հիմնադրվել և գործել է որպես ազատագրական պայքարի կուսակցություն: Դաշնակցության նպատակը ինքնանպատակ է»,- հայտարարել է Կոնջորյանը:
Ըստ պատգամավորի՝ դժվար է մի կողմից պայքարել խաղաղության դեմ, մյուս կողմից՝ դժվար է հրաժարվել նաև սեփական ինքնությունից, իսկ Դաշնակցությունը որևէ կերպ չի ցանկանում նորոգել իր ինքնությունը, չեն ուզում հասկանալ, որ ինքնությունը զարգացող հասկացություն է:
Կոնջորյանի խոսքով՝ ընդդիմությունը վաղուց քաղաքականապես վախճանվել է, քանի որ չունի ասելիք:
Ինչ վերաբերում է ընդդիմադիր պատգամավոր Լիլիթ Գալստյանի քննադատություններին, նրան մեղադրեց ադրբեջանական նարատիվներին հղում անելու համար:
