Գերմանիայում տուն չի մնա, եթե Ռուսաստանի հետ միջուկային պատերազմի մեջ մտնենք. պատգամավոր

Գերմանական (BSW) կուսակցության առաջնորդ Սառա Վագենկնեխտը կարծում է, որ Մերցի կառավարությունը կարող է Գերմանիային ներքաշել Ռուսաստանի հետ հակամարտության մեջ:

«Մենք ունենք մի կառավարություն, որը կարող է անզգուշորեն Գերմանիային ներքաշել պատերազմի մեջ: Գերմանիայի ներկա իշխանությունները քննարկում են Ուկրաինայի շուրջ ստեղծված իրավիճակում նոր քայլեր, այդ թվում՝ այնտեղ զորքեր ուղարկելը», - ընդգծել է քաղաքական գործիչը:

Նրա խոսքով՝  Ռուսաստանի հետ հակամարտությունը կնշանակի միջուկային պատերազմի սպառնալիք։

«Մենք պետք է ամեն ինչ անենք՝ կանխելու համար այս սարսափելի ուղին և բռնության այս պարույրը, որովհետև Ռուսաստանի հետ պատերազմը կլինի միջուկային պատերազմ։ Այստեղ՝ Գերմանիայում, տուն չի մնա», - նախազգուշացրել է Վագենկնեխտը։