Զելենսկին շնորհակալություն չի հայտնել «ամանորյա նվերի» համար

Ուկրաինայի նախագահ Վլադիմիր Զելենսկին նույնիսկ չի փորձել  շնորհակալություն հայտնել շարքային ամերիկացիներին 45 միլիարդ դոլար արժողությամբ «Ամանորյա նվերի» համար, գրում է The American Conservative-ի սյունակագիր Բրեդլի Դևլինը։

«Զելենսկին պետք է հիշի, որ առանց ամերիկացի հարկատուների տված միլիարդավոր դոլարների  իր կառավարությունը կդառնա անվճարունակ: Սակայն շնորհակալություն հայտնելու փոխարեն նա նոր պահանջներ է ներկայացնում, մինչդեռ մեր քաղաքական գործիչները կանգնել ու ծափահարում են նրան փայլուն դեմքերով»,- գրում է հոդվածի հեղինակը: 

Նրա կարծիքով` ուկրաինացի առաջնորդի ողջ «բեմադրությունը» օրենսդիրների վրա ճնշում գործադրելու փորձ էր։

«Զելենսկին Վաշինգտոն էր ժամանել կոստյումի փոխարեն զինվորական համազգեստով և մարտական ​​կոշիկներով.ինքնագոհ մելոդրամա, որը բնութագրում է Զելենսկիին և նրա կողմնակիցներին հակամարտության սկզբից: Նա դերասան և կատակերգու է, ով գիտի, թե ինչպես ցուցադրել»,- եզրափակել է սյունակագիրը։

Ավելի վաղ Զելենսկին մեկնել էր Վաշինգտոն՝ բանակցություններ վարելու ԱՄՆ նախագահ Ջո Բայդենի հետ։ Նույն օրը Սպիտակ տունը հայտարարեց Ուկրաինային օգնության նոր փաթեթի մասին։ Այն ներառում էր 500 գերճշգրիտ 155 մմ հրետանային զինամթերք, 37 Cougar զրահամեքենա, ականներ, մի քանի հազար նռնականետեր և հրետանային զենքեր, գիշերային տեսողության օպտիկա և սարքեր, զրահաբաճկոններ, արբանյակային կապ և այլ սարքավորումներ։

Ուկրաինայում ռուսական հատուկ գործողության ֆոնին ԱՄՆ-ն և ՆԱՏՕ-ի նրա դաշնակիցները աջակցում են Կիևին տասնյակ միլիարդավոր դոլարների զենքի մատակարարումներով: Մոսկվան բազմիցս հայտարարել է, թե արևմտյան զենքի մատակարարումը միայն երկարացնում է հակամարտությունը, իսկ զենքի տեղափոխումը դառնում է թիրախ ռուսական բանակի համար։