Եթե մեզ թվում է, որ բարձր IQ-ով մարդիկ հաջողակ են լինում այս կյանքում, միշտ չէ, որ այդպես է. Ավինյան
Երևանի երեք վարչական շրջանի մեկական մանկապարտեզում կիրականացվի հուզական ինտելեկտի զարգացմանն ուղղված ծրագիր։
Քաղաքապետ Տիգրան Ավինյանը նշել է, որ հուզական ինտելեկտի մեթոդաբանության ներդրման ծրագիրը նախադպրոցական հաստատություններում շատ կարևոր է։
«Մարդկանց հաջողությունները կախված են այս հմտությունների զարգացումից, և շատ դեպքերում, եթե մեզ թվում է, որ ուղղակի ինտելեկտուալ, բարձր IQ-ով մարդիկ հաջողակ են լինում այս կյանքում, միշտ չէ, որ այդպես է։ Մարդկանց հաջողությունը շատ կախված է իրենց հուզական ինտելեկտի զարգացման և ճիշտ ժամանակին զարգացման ծրագրից։ Այս է պատճառը, որ այս տարիքի երեխաների մոտ ծրագիր ենք իրականացնում», - ասել է նա՝ հավելելով, որ վստահ է՝ ունենալու են դրական արդյունքներ։
Ըստ քաղաքապետի, այդ տարիքից սկսած երեխաները սկսելու են ճանաչել իրենց էմոցիաները, հաղորդակցվելու ճիշտ ձևեր գտնել. «Եվ սա մեր երեխաներին տալու է ապագայում շատ ավելի մեծ գործիքակազմ՝ արտաքին աշխարհի հետ շփվելու համար»
