Կարող են ինձ նման խաղերում քննադատել, ընդունում եմ, կվերլուծեմ. Եղիշե Մելիքյան
Ունենք որակ, ոգի, պայքար, նվիրվածություն, մեկ-երկու ամսից ընդհանուր պատկերացում, կարծիք կունենամ խորքային պրոբլեմների մասին, լուծում կգտնենք։ Մեկ խաղով դժվար է։ Այդ մասին Հայաստան-Պորտուգալիա հանդիպումից հետո կայացած ասուլիսում ասել է Հայաստանի ազգային հավաքականի մարզիչ Եղիշե Մելիքյանը:
«Մենք ունենք ուժեղ տղաներ, իրենց թիմերում լավ ֆուտբոլ են խաղում, բայց չունենք այդ 11 ուժեղ տղաները։ Ունենք փորձառու, լավ տղաներ և լավ երիտասարդներ, որոնք նոր են առաջին քայլերն անում մեծ ֆուտբոլ։ Աշխատանք է պետք տանել: Ես պաշտպանության ձև էի ասել, իրենք ճիշտ կատարում էին, բայց ինչքան էլ ճիշտ կատարենին, մրցակին ուժեղ էր: Կարող են ինձ նման խաղերում քննադատել, ընդունում եմ, կվերլուծեմ, բայց վաղ թե ուշ կուրախացնեմ մեր ժողովրդին»,- ընդգծել է նա։
