Թրամփը հերքել է` որ ինքը ցանկանում է խաղաղության Նոբելյան մրցանակ ստանալ
ԱՄՆ նախագահ Դոնալդ Թրամփը երկար ժամանակ շահարկումներից հետո հերքել է ենթադրությունները, ըստ որոնց ինքն ուզում է խաղաղության Նոբելյան մրցանակ ստանալ։
«Ես այդ կապակցությամբ ասելիք չունեմ», - CBS News-ին տված հարցազրույցում ասել է Թրամփը։
«Ես միայն կարող եմ կանխել պատերազմները։ Չեմ ձգտոււմ հայտնվել ուշադրության կենտրոնում։ Ուղղակի ցանկանում եմ կյանքեր փրկել»,- հավելել է Թրամփը։
Նույն հեռախոսաային հարցազրույցում Թրամփը գործակալությանը հայտնել է, որ պատրաստ է օգնել Ռուսաստանի և Ուկրաինայի միջև խաղաղության համաձայնագրի կնքմանը։
«Ինչ-որ բան պետք է պատահի։ Մենք մտադիր ենք դա անել»,- ասել է նա։
ԱՄՆ նախագահն ավելի վաղ հայտարարել էր, որ պետք է ստանա հեղինակավոր մրցանակը մի քանի հակամարտությունների դադարեցման գործում իր դերակատարության համար։
