Պորտուգալիայի հավաքականը ժամանեց Երևան
Պորտուգալիայի հավաքականը ժամանեց Երևան։ «Զվարթնոց» օդանավակայանում հավաքականի անդամներին սպասում էին բազմաթիվ երկրպագուներ։
Երկրպագուները դեռ ժամեր առաջ էին հավաքվել Պորտուգալիայի հավաքականի ավագ և հարձակվող Ռոնալդուին տեսնելու և դիմավորելու համար։
Հարյուրավոր երկրպագուների շարքերում շատ էին պատանիները, որոնք եկել էին աշխարհահռչակ ֆուտբոլիստ Կրիշտիանու Ռոնալդուի մարզաշապիկով և րոպեներ շարունակ առանց դադարի «Ռոնալդու» էին վանկարկում։
Հիշեցնենք, որ Հայաստան-Պորտուգալիա հանդիպումը տեղի կունենա սեպտեմբերի 6-ին, ժամը՝ 16:00-ին:
