Թուրքիան կարող է ռազմական գործողություն սկսել Սիրիայում
Թուրքիայի Ազգայնական շարժում կուսակցության առաջնորդ Դևլեթ Բահչելին հայտարարել է, որ եթե SDF/YPG-ն չկարողանա իրականացնել Դամասկոսի հետ կնքված համաձայնագիրը, Անկարայի և Սիրիայի կառավարության համատեղ ռազմական գործողությունը կդառնա անխուսափելի։
Մարտի 10-ին Սիրիայի իշխանությունները հայտարարեցին SDF-ի՝ Սիրիայի ժողովրդավարական ուժերի պետական ինստիտուտներին ինտեգրման վերաբերյալ համաձայնագրի ստորագրման մասին։
Չնայած համաձայնագրերը պահպանելու իրենց պատրաստակամության մասին պաշտոնական հայտարարություններին, գործնականում SDF-ն հակասական ազդանշաններ է ուղարկում։
