Ամիրյան փողոցում տեղի ունեցած պայթյունից տուժածներից մեկը վերակենդանացման բաժանմունքում է
Ամիրյան փողոցում տեղի ունեցած պայթյունից տուժած 3 անձ հոսպիտալացվել է: Այս մասին հայտնում են Առողջապահության նախարարությունից:
«Տուժածներից մեկի առողջական վիճակը գնահատվում է ծանր, վերակենդանացման բաժանմունքում է: Մյուսի առողջական վիճակը` միջին ծանրության: Երրորդ քաղաքացին անցնում է համապատասխան հետազոտությունները, առողջական վիճակը գնահատվում է բավարար»,- ասված է հաղորդագրության մեջ:
Հիշեցնենք՝ այսօր ժամը 14․43-ին ահազանգ է ստացվել, որ Ամիրյան փողոցում տրանսպորտային միջոց է պայթել։
