Չեզոք երկրներից Ուկրաինա խաղաղապահ ուժեր կուղարկվեն․ ԵՄ

ԵՄ արտաքին գործերի և պաշտպանության նախարարները Կոպենհագենում կայանալիք ոչ պաշտոնական հանդիպման ժամանակ կքննարկեն ԵՄ-ի կամ ՆԱՏՕ-ի մաս չհանդիսացող չեզոք երկրից Ուկրաինա խաղաղապահ ուժեր ուղարկելու հնարավորությունը, որոնք հնարավոր է՝ պարեկեն ապագա սահմանը և ապառազմականացված գոտին, հաղորդում է Politico-ն՝ հղում անելով դիվանագետներին։

Հրատարակությունը նշում է, որ հանդիպման ժամանակ կուլիսներում կքննարկվի «Ուկրաինայի անվտանգության երաշխիքների» թեման։ Մասնավորապես, կարող են հարցեր առաջանալ այն մասին, թե որ չեզոք երկիրը կարող է խաղաղապահներ ուղարկել ապառազմականացված գոտու ապագա պարեկությունների համար։ Միևնույն ժամանակ, հրատարակությունը նշում է, որ նախարարները որևէ գործնական որոշում չեն կայացնի, քանի որ հանդիպումը ոչ պաշտոնական կլինի։

Օգոստոսի 29-30-ը կայանալիք նախարարական հանդիպմանը հրավիրված է նաև Եվրախորհրդարանի արտաքին հարաբերությունների հանձնաժողովի ղեկավար Դեյվիդ Մաք Ալիստերը, ով Politico-ին ասել է, որ կհորդորի նախարարներին միայն ուժեղացնել Ռուսաստանի վրա ճնշումը՝ չնայած հակամարտությունը կարգավորելու դիվանագիտական ​​ջանքերին, և թույլ չտալ մեղմացնել պատժամիջոցները, այլ աշխատել նոր պատժամիջոցների ներդրման ուղղությամբ։