Թուրքիայի ԱԳՆ-ից պատասխանել են Նեթանյահուի` Հայոց ցեղասպանությունը ճանաչելու հայտարարությանը
Թուրքիայի արտաքին գործերի նախարարությունը դատապարտել է Իսրայելի վարչապետ Բենիամին Նեթանյահուի հայտարարությունը Հայոց ցեղասպանության վերաբերյալ:
Անկարայում դա անվանել են «1915 թվականի իրադարձություններ»՝ նշելով, որ Նեթանյահուի հայտարարությունները «չեն համապատասխանում պատմական և իրավական փաստերին»։
ԱԳՆ հայտարարության մեջ նշվում է, որ Նեթանյահուի խոսքերն «անցյալի ողբերգական իրադարձությունները քաղաքական նպատակներով շահարկելու փորձ են»:
Նշվում է նաև, որ հենց ինքը՝ Իսրայելի վարչապետը, դատարանի առջև է պաղեստինցի ժողովրդի դեմ իրագործվող ցեղասպանության մեջ իր դերի համար և փորձում է կոծկել իր և իր կառավարության կատարած հանցագործությունները:
