Գերմանիայից առաջարկ են արել Ուկրաինայի հետ կապված
Ուկրաինայի անվտանգության երաշխավորների շրջանակը պետք է ընդլայնվի, և այդ երաշխիքները պետք է «շատ մոտ լինեն այն բանին, ինչ նշանակում է անդամակցությունը» ՆԱՏՕ-ին։ Այս մասին հայտարարել է Գերմանիայի արտաքին գործերի նախարար Յոհան Վադեֆուլը՝ ելույթ ունենալով Բեռլինում Գերմանիայի կառավարության կողմից կազմակերպված բաց դռների օրը, հաղորդում է ՏԱՍՍ-ը։
Նախարարի խոսքով՝ ուկրաինական պետությանը անվտանգության երաշխիքներ տրամադրող երկրների ցանկը պետք է ընդլայնվի Եվրոպայից դուրս, առաջին հերթին՝ Միացյալ Նահանգների կողմից։
Նա նաև նշել է, որ մոտ 30 երկիր, այդ թվում՝ Ճապոնիան, հայտարարել են Կիևին աջակցելու իրենց պատրաստակամության մասին։
