Թրամփը գնահատական է տվել Պուտինի հետ հարաբերություններին

ԱՄՆ նախագահ Դոնալդ Թրամփը Fox News-ին տված հարցազրույցում ասել է, որ չնայած իր ռուս գործընկեր Վլադիմիր Պուտինի հետ լավ հարաբերություններին, Ուկրաինայում հակամարտությունը լուծելու համար անհրաժեշտ են կոնկրետ արդյունքներ։

«Ես զանգահարեցի նախագահ Պուտինին, մենք լավ հարաբերություններ ունենք, բայց դա կարևոր է միայն այն դեպքում, եթե ինչ-որ բանի հասնենք։ Հակառակ դեպքում, ես չեմ հետաքրքրվում մեր հարաբերություններով», - ասել է նա։

Ամերիկացի առաջնորդի խոսքով՝ սկզբում իրեն թվում էր, որ ավելի հեշտ կլինի վերջ դնել ուկրաինական ճգնաժամին, քան լուծել այլ հակամարտություններ, բայց այսօր ամենադժվարը Արևելյան Եվրոպայում հակամարտության լուծման որոնումն է եղել։