Գազայում հումանիտար աշխատողների սպանությունները հասել են ռեկորդային մակարդակի
Հումանիտար աշխատողների սպանություններն անցյալ տարի մոտ մեկ երրորդով աճել են՝ հասնելով գրեթե 400-ի, ինչը 1997 թվականից ի վեր գրանցված «ամենամահացու տարին» է։ Այս մասին հայտարարել է ՄԱԿ-ի մարդասիրական հարցերով գլխավոր քարտուղարի տեղակալ Թոմ Ֆլետչերը, փոխանցում է «Reuters»-ը:
Նրա խոսքով՝ ՄԱԿ-ի և այլ տվյալների համաձայն՝ Գազայում հակամարտությունը շարունակում է բարձր մակարդակի հասցնել մարդասիրական անձնակազմի մահացության մակարդակը։
Ըստ «Հումանիտար աշխատողների անվտանգության տվյալների բազայի», ընթացիկ տարում արդեն 265 աշխատակից է սպանվել, որոնցից 173-ը գտնվել են Գազայում։ Նույն տվյալների համաձայն՝ Սուդանում էլ այս տարի սպանվել է 36 մարդասիրական նպատակներով աշխատող անձինք, իսկ Ուկրաինայում՝ երեք։
