Այդ հարցը մենք կթողնենք ինձ և Պուտինին. Ուկրաինայի նախագահ
ԱՄՆ նախագահ Դոնալդ Թրամփի հետ բանակցություններից հետո Վլադիմիր Զելենսկին հայտարարել է Ռուսաստանի նախագահ Վլադիմիր Պուտինի հետ երկկողմ հանդիպման պատրաստակամության մասին, որի ժամանակ նա նախատեսում է բարձրացնել տարածքների հարցը, գրում է «ՏԱՍՍ»-ը:
«Ես հաստատեցի, և բոլոր առաջնորդներն աջակցեցին ինձ, որ մենք պատրաստ ենք Պուտինի հետ երկկողմ հանդիպման», - նշել է Զելենսկին Սպիտակ տանը կայացած ճեպազրույցի ժամանակ՝ հավելելով, որ հետագայում հույս ունի Թրամփի հետ եռակողմ հանդիպման։
Ուկրաինայի նախագահը, մասնավորապես, ցանկանում է երկկողմ հանդիպման ժամանակ բարձրացնել տարածքների հարցը։
«Տարածքների հարցը մենք կթողնենք ինձ և Պուտինին», - ասել է նա:
ԱՄՆ նախագահ Դոնալդ Թրամփն էլ իր հերթին հայտարարել էր, որ սկսել է նախապատրաստվել Պուտինի և Զելենսկու հանդիպմանը։
