Ուկրաինայի խաղաղության համաձայնագիրը զիջումներ կպահանջի. ԱՄՆ պետքարտուղար
ԱՄՆ պետքարտուղար Մարկո Ռուբիոն կարծում է, որ Ուկրաինայում հակամարտության դադարեցման ցանկացած համաձայնագիր կպահանջի երկու կողմերից էլ զիջումներ անել, և նման արդյունքը կարող է «նույնիսկ անարդար» լինել, գրում է Fox News-ը:
«Պատերազմը դադարեցնելու ցանկացած բանակցություն կպահանջի երկու կողմերից էլ տալ, այլ ոչ թե պարզապես ստանալ։ Ըստ էության, այստեղ ոչ մի կողմ 100 տոկոս չի ստանա։ Յուրաքանչյուր կողմ ստիպված կլինի որոշակի զիջումների գնալ», - ասել է Ռուբիոն։
Նրա խոսքով՝ տարածքային հարցերն անխուսափելիորեն կլինեն այդ զրույցի մաս։
«Դա հեշտ չէ, և գուցե նույնիսկ արդարացի չէ, բայց դա այն է, ինչ անհրաժեշտ է պատերազմն ավարտելու համար», - հավելել է պետքարտուղարը։
Ռուբիոն ընդգծել է, որ «ինչպիսին կլինեն այս գծերը» վերջնական որոշումը Ռուսաստանի նախագահ Վլադիմիր Պուտինինն է և ուկրաինական կողմինը։
«Մենք այնտեղ կլինենք՝ դա հեշտացնելու և հնարավոր դարձնելու համար», - եզրափակել է նա։
