Օդեսան պաշտոնապես ճանաչվել է ռազմական գործողությունների գոտի

Օդեսան պաշտոնապես ճանաչվել է ռազմական գործողությունների գոտի: Այս մասին հրաման է ստորագրել Ուկրաինայի համայնքների և տարածքների զարգացման նախարարությունը:

Քաղաքը, ինչպես նաև Օդեսայի մարզի յոթ շրջանների բնակավայրերն ու տարածքային կառույցները ստացել են այն տարածքների պաշտոնական կարգավիճակ, որտեղ ընթանում են ռազմական գործողություններ:

Բացի մարզկենտրոնից և գյուղերից, ցուցակում ներառվել են այն քաղաքները, որտեղ գտնվում են ծովային նավահանգստային ենթակառուցվածքները: