Թրամփը վստահ է Եվրոպայի՝ Ուկրաինայում խաղաղություն հաստատելու ցանկության մեջ

ԱՄՆ նախագահ Դոնալդ Թրամփը վստահ է, որ եվրոպացի առաջնորդները հետաքրքրված են Ուկրաինայի հարցով խաղաղության համաձայնագրի կնքմամբ: Ամերիկացի առաջնորդի խոսքով՝ Եվրոպան պատրաստ է, որ նա խաղաղություն կնքի Ռուսաստանի նախագահ Վլադիմիր Պուտինի հետ Ուկրաինայի հարցում: Այս մասին նա գրել է իր Truth Social սոցիալական ցանցում։

«Ես շուտով կխոսեմ եվրոպացի առաջնորդների հետ: Նրանք հիանալի մարդիկ են, ովքեր ցանկանում են գործարք կնքել», - գրել է Թրամփը։

Օգոստոսի 13-ին Բեռլինում տեղի է ունենում Ուկրաինայի հարցով տեսակոնֆերանս՝ եվրոպացի առաջնորդների մասնակցությամբ: Ուկրաինայի նախագահ Վլադիմիր Զելենսկին անձամբ մեկնել է Գերմանիա՝ Թրամփի հետ եվրոպացիների առցանց հանդիպմանը մասնակցելու համար: Հանդիպման ժամանակ մասնակիցները, ինչպես սպասվում է, կփորձեն համակարգել Արևմուտքի դիրքորոշումները՝ Ռուսաստանի Դաշնության և Միացյալ Նահանգների ղեկավարների միջև առաջիկա բանակցություններից առաջ։

Ռուսաստան-ԱՄՆ գագաթնաժողովը տեղի կունենա Ալյասկայի Անքորիջ քաղաքում օգոստոսի 15-ին: Ռուսաստանի նախագահ Վլադիմիր Պուտինը և Դոնալդ Թրամփը կքննարկեն Ուկրաինայում հակամարտության խաղաղ կարգավորումը: