Օրբանը նշել է՝ երբ Ուկրաինայում խաղաղություն կհաստատվի

Ուկրաինայում խաղաղությունը կգա այն ժամանակ, երբ և՛ ուկրաինացիները, և՛ Արևմուտքը հրաժարվեն այն մտքից, որ երկիրը պետք է դառնա ՆԱՏՕ-ի անդամ։ Այս մասին հայտարարել է Հունգարիայի վարչապետ Վիկտոր Օրբանը, հաղորդում է ՏԱՍՍ-ը։

Նրա խոսքով՝ հակամարտությունը կլուծվի, երբ Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը կկնքեն համապարփակ համաձայնագիր միջազգային հարաբերությունների հիմնական հարցերի վերաբերյալ։

«Խաղաղությունը կգա այն ժամանակ, երբ ամերիկացիները, եվրոպացիները և ուկրաինացիները կճանաչեն այն փաստը, որ ռուսները երբեք թույլ չեն տա, որ ՆԱՏՕ-ն լինի Ուկրաինայում՝ Ռուսաստանի արևմտյան սահմանին», -ասել է Օրբանը։

Օրբանը հավելել է, որ Ուկրաինայի ճգնաժամի պատճառը Արևմուտքի կողմից աջակցվող Հյուսիսատլանտյան դաշինքին միանալու ցանկությունն է։