Մենք պետք է դադարեցնենք հայրենիքի փնտրտուքը. Նիկոլ Փաշինյան

ԱԺ-ում հայտարարություն էի արել, որը մեծ աղմուկ էր առաջացրել։ Ասել էի, որ պետք է մտածենք հայրենասիրության մեր մոդելի մասին, որովհետև այն ձևը, որով սիրում ենք հայրենիքը, կամ հայրենասիրության էն ընկալումը, որ ունենք, դրա հեղինակը մենք չենք, ուրիշներն են ներմուծել: Այս մասին «Կրթվելը նորաձև է» շարժման բանախոսության ժամանակ ասել է վարչապետ Նիկոլ Փաշինյանը՝ հավելելով, որ մեր երկրին վերաբերվում ենք որպես հայրենիքի մնացորդ։

«Ռուսական հեռուստատեսությամբ մեկը կա, ով ցավերի մեջ է, խոսելով մեր մասին ասել է «Остаток Армении»։ Սա ուղղակի այն թեզի ապացույցն է, որ անընդհատ ներշնչել են, թե մեզ ավելի մեծ երկիր է պետք»,- ասում է Փաշինյանը՝ կրկին համադրելով «իրական» և «պատմական» Հայաստանների թեզը․ «Մենք պետք է դադարեցնենք հայրենիքի փնտրտուքը, սա է «իրական Հայաստանի» թեզը։