ՄԻՊ-ը ամենաօրյա ռեժիմով բողոքներ է ստանում լույսի և ջրի հետ կապված
«ՀՀ-ում ՄԻՊ գրասենյակը հանրային ծառայությունների առումով՝ լույսի և ջրի հետ կապված գրեթե ամենօրյա ռեժիմով բողոքներ է ստանում: Կարծում եմ ՀՀ-ում հանրային ծառայությունների ոլորտում շատ լուրջ բարեփոխումների կարիք կա»,- այսօր ճեպազրույցի ժամանակ նշել է ՀՀ ՄԻՊ Անահիտ Մանասյանը:
Նա ընդգծել է, որ առաջին հայացքից կարող է թվալ, թե հանրային ծառայությունների ոլորտը ՄԻՊ-ի հետ որևէ կապ չունի, բայց շատ հստակ կապ կա:
«Օրինակ՝ ջրի բացակայությունը կարող է մարդու մի շարք իրավունքների տեսակետից խնդիրների հանգեցնել, նույնն էլ էլեկտրաէներգիայի մասով»,- հավելել է Մանասյանը:
Մանասյանը անդրադարձել էր նաև զինվորների առողջական խնդիրներով բանակ զորակոչվելու, ինչպես նաև ՔՊ–ականների կողմից հոգևորականներին ահաբեկիչ անվանելու դեպքերին:
