Թրամփի նոր հայտարարությունը՝ ուկրաինացիների մասին

Սպիտակ տան ղեկավար Դոնալդ Թրամփը հայտարարել է, որ թույլ կտա Ուկրաինայից փախստականներին մնալ Միացյալ Նահանգներում մինչև հակամարտության ավարտը։ Տեղեկատվությունը փոխանցում է «Ռիա Նովոստի»-ն։

«Մենք դա կանենք։ Մենք շատ մարդիկ ունենք, ովքեր եկել են Ուկրաինայից, և մենք աշխատում ենք նրանց հետ», - ասել է նա՝ պատասխանելով այդ մասին հարցին։

Անցյալ շաբաթ Գերագույն ռադայի պատգամավոր և Ֆինանսական կոմիտեի ղեկավար Դանիլո Գետմանցևը հայտարարել էր, որ Ուկրաինան ի վիճակի չէ ֆինանսական խթաններ կամ արտոնություններ տրամադրել քաղաքացիներին արտասահմանից վերադառնալու համար։

Նրա խոսքով՝ դրա համար երկիրը պետք է բարձրացնի աշխատավարձերը, մատչելի դարձնի բնակարանները, զարգացնի շինարարական արդյունաբերությունը, սոցիալական ոլորտը և բարելավի կրթության մակարդակը։