Ռուսական կողմը կատարեց Ադրբեջանի պահանջը
Ռուսական «ՏԱՍՍ» լրատվական գործակալությունը փոխել է Ստեփանակերտի վերաբերյալ հրապարակված լրատվական հոդվածի վերնագիրը:
Նոր վերնագրում Ստեփանակերտ բառը փոխարեն նշել են Լեռնային Ղարաբաղ:
Հավելենք, որ նախորդ օրը Ռուսաստանի Դաշնության «ՏԱՍՍ» լրատվական գործակալությունը հրապարակել էր «Այվազովսկու հուշարձանը քանդվել է Ստեփանակերտում» վերնագրով լրատվական հոդված:
Հիշեցնենք՝ այս թեմայի վերաբերյալ մեկնաբանություն է արել Ադրբեջանի արտաքին գործերի նախարարությունը, նշելով․ «Ռուսաստանի Դաշնության պաշտոնական պետական գործակալությունը՝ «ՏԱՍՍ»-ը, ադրբեջանական Խանքենդի քաղաքի Ստեփանակերտ վերանվանումը համարում է մեր երկրի տարածքային ամբողջականության նկատմամբ անհարգալից վերաբերմունք և վիրավորանք, սպասում ենք ռուսական կողմի արձագանքին, հակառակ դեպքում, օրենսդրության համաձայն, Ադրբեջանում «ՏԱՍՍ»-ի գործունեության դեմ կձեռնարկվեն համապատասխան միջոցներ»:
