Իրանից Ադրբեջան թռչող ԱԹՍ-ի մուտքը կանխվել է

 Իրանի Իսլամական Հանրապետության տարածքից անօդաչու թռչող սարքի մուտքն դեպի Ադրբեջան կանխվել է։ Այս մասին հայտնում են Ադրբեջանի Պետական սահմանապահ ծառայության մամուլի կենտրոնից։

««Հորադիզ» սահմանային ջոկատի ծառայության տարածքում իրականացված հետախուզության և օպերատիվ միջոցառումների արդյունքում կանխվել է անօդաչու թռչող սարքի (ԱԹՍ) միջոցով Իրանի Իսլամական Հանրապետությունից Ադրբեջանի Հանրապետության տարածք մեծ քանակությամբ թմրանյութերի տեղափոխումը»,- հաղորդում է ծառայությունը: 

Հաղորդվել է, որ խուզարկությունների արդյունքում սահմանային գոտում հայտնաբերվել և առգրավվել է 12 կիլոգրամ 100 գրամ մարիխուանա և 399 մեթադոնային M-40 հաբ, որոնք պարունակում էին թմրանյութեր։

Փաստի առթիվ շարունակվում են օպերատիվ-հետախուզական միջոցառումները և քննչական միջոցառումները։