Վերջին երեք օրերեին Իրանում պարբերաբար երկրաշարժեր են լինում
Այսօր առավոտից Իրանի Բուշեհր նահանգի Ասալույե շրջանում գրանցվել է 14 երկրաշարժ, որոնցից ամենաուժեղը եղել է Ռիխտերի սանդղակով 4,9 մագնիտուդ ուժգնությամբ, հայտնում է Mehr գործակալությունը։
Երկրաշարժերը Ասալույե շրջանում շարունակվում են, և թեև այս երկրաշարժերը մարդկային և նյութական վնասներ չեն հասցրել, սակայն բնակչության շրջանում անհանգստություն են առաջացրել։
Բուշեհրի նահանգի ճգնաժամային կառավարման գլխավոր տնօրենն ասել է․
«Վերջին երեք օրերին ականատես ենք լինում Ասալույե շրջանում մի շարք երկրաշարժերի, որոնցից հինգը ունեցել են 4 մագնիտուդ կամ ավելի ուժգնություն։ Բարեբախտաբար, այս երկրաշարժերի հետևանքով վնասների մասին հաղորդում չի ստացվել, և էներգետիկ ոլորտի օբյեկտները նույնպես վնաս չեն կրել», - ասել է նա։
